Монгол Улсын хөдөлмөрийн Яам, Хөдөлмөр Эрхлэлтийн Үйлчилгээний төвөөс зохион байгуулсан “Мэргэжлийн сургалт-Таны сонголт”  өдөрлөг 2013 оны 03 дугаар сарын 20-ны өдөр МҮЭСТОрдонд амжилттай зохион байгуулагдлаа.

Энэхүү өдөрлөгөөр Ажил хайгч иргэдийг мэргэжлийн сургалтын төвүүд, ажил олгогч байгууллага хоорондын уялдаа холбоог сайжруулах, иргэдийг мэргэжлийн чиг баримжааг зөв тодорхойлж өгөх зорилготой байлаа.

Тус өдөрлөгт барилга, барилгын материал үйлдвэрлэл, хүнс хөдөө аж ахуй, газар тариалан, оёдол эсгүүр, үсчин гоо сайхан, нийтийн хоол, ахуйн цахилгаан хэрэгслийн засвар зэрэг чиглэлээр мэргэжил олгож буй 40 гаруй мэргэжлийн сургалтын төвүүд, Нийслэлийн Хөдөлмөрийн газар, Дүүргүүдийн хөдөлмөр халамж үйлчилгээний хэлтэсүүд оролцлоо.

Үүнээс барилга, барилгын материалын үйлдвэрлэлийн мэргэжилтэй ажилтан бэлтгэж буй сургалтын төвүүд үйл ажиллагагаа сурталчиллаа.

-          Монголын барилгачдын холбооны сургалтын төв

-          Дэлгэрхангай сургалтын төв

-          Төгс ариун ирээдүй ХХК

-          Барилгын технологийн коллеж

-          Лемур мэргэжлийн сургалтын төв

Монголын барилгын материал үйлдвэрлэгчдийн холбооны дэргэдэх сургалтын БМҮС ХХК нь тус өдөрлөгт өөрийн үйл ажиллагаагаа сурталчлан амжилттай оролцлоо.