Тусгай зөвшөөрөл эзэмшигчтэй хийсэн гэрээний 3.2 заалтын дагуу дараахи маягтаар жил, хагас жил, улирлын тайлангаа material@barilga.mn хаягаар ирүүлнэ үү.

Маягтын хаягийн хэсэгт барилга, хот байгуулалтын тусгай зөвшөөрөлтэй аж ахуйн нэгж, байгууллагын нэр, регистрийн дугаар болон аймаг, нийслэл, сум, дүүргийн нэр, кодыг нөхнө.

2 дахь хэсэгт барилга, хот байгуулалтын тусгай зөвшөөрөлтэй аж ахуйн нэгж, байгууллага хөдөлмөр хамгаалал, аюулгүй ажиллагааны талаарх мэдээллийг маягтын үзүүлэлтийн дагуу нөхнө.

1 дүгээр баганад тайлант хугацаанд хөдөлмөр хамгаалал, аюулгүй ажиллагааны чиглэлээр авч хэрэгжүүлсэн арга хэмжээний тоог арга хэмжээний төрөл тус бүрээр нөхнө.

2 дугаар баганад тайлант хугацаанд авч хэрэгжүүлсэн арга хэмжээ тус бүрт зарцуулсан зардлыг /мянган төгрөгөөр/ нөхнө.

1-4 дүгээр мөрийн 1 дүгээр баганад тайлант хугацаанд хөдөлмөр хамгаалал, аюулгүй ажиллагааны чиглэлээр авч хэрэгжүүлсэн арга хэмжээний тоог арга хэмжээний төрөл тус бүрээр нөхнө.

1 дүгээр баганын 2, 3, 4 дүгээр мөрийн нийлбэр нь 1 дүгээр мөрийн дүнтэй тэнцүү байна.

5 дугаар мөрийн 1 дүгээр баганад жилийн дундаж ажилтны тоог нөхнө.

6 дугаар мөрөнд тайланд хугацаанд гарсан үйлдвэрлэлийн ослын тоог, өссөн дүнгээр нөхнө.

7 дугаар мөрөнд тайлант хугацаанд үйлдвэрлэлийн осолд орсон ажиллагчдын тоог, өссөн дүнгээр нөхнө.

8 дугаар мөрөнд үйлдвэрлэлийн осолд орсон нийт ажиллагчдаас хохирлыг бүрэн барагдуулсан ажиллагчдын тоог; 9 дүгээр мөрөнд үйлдвэрлэлийн ослоос шалтгаалан нас барсан ажиллагчдын тоог тайлант хугацааны эхнээс өссөн дүнгээр нөхнө.

10 дугаар мөрөнд тайлант хугацаанд мэргэжлээс шалтгаалах өвчнөөр өвчилсөн ажиллагчдын тоог өссөн дүнгээр нөхнө.

11 дүгээр мөрөнд мэргэжлээс шалтгаалах өвчний улмаас группэд орсон ажиллагчдын тоог тайлант хугацааны эхнээс өссөн дүнгээр нөхнө.

12 дугаар мөрөнд мэргэжлээс шалтгаалах өвчнөөр өвчилсөн ажиллагчдын хүн өдрийн тоог өссөн дүнгээр нөхнө.

13 дугаар мөрөнд тайлант хугацаанд эрүүл мэндийн үзлэгт хамруулсан ажиллагчдын тоог нөхнө.

14 дүгээр мөрийн 1, 2 дугаар баганад тайлант хугацаанд зохион байгуулсан сургалт, семинарын тоо, түүнд зарцуулсан зардлын хэмжээг нөхнө.

15 дугаар мөрийн 1, 2 дугаар баганад тайлант хугацаанд гаргасан зар сурталчилгаа, үзэсгэлэнгийн тоо, түүнд зарцуулсан зардлын хэмжээг нөхнө.

16-18 дугаар мөрийн 1, 2 дугаар баганад шинэчилсэн барилгын норм, норматив, худалдаж авсан стандарт, хэвлэсэн болон худалдаж авсан зурагт хуудасны тоо, түүнд зарцуулсан зардлын хэмжээг тус тус нөхнө.

20-22 дугаар мөрийн А баганад дэвшилтэд техник, технологи нэвтрүүлэх чиглэлээр авч хэрэгжүүлсэн арга хэмжээний нэр, хэмжих нэгжийг, 1 дүгээр баганад тоог; 2 дугаар баганад түүнд зарцуулсан зардлын хэмжээг нөхнө.

24-26 дугаар мөрийн А баганад ажлын байрны нөхцлийг сайжруулах чиглэлээр авч хэрэгжүүлсэн арга хэмжээний нэр, хэмжих нэгжийг, 1 дүгээр баганад тоог; 2 дугаар баганад тухайн арга хэмжээнд зарцуулсан зардлыг нөхнө.

27 дугаар мөрөнд аюулгүй ажиллагааг хангахад зарцуулсан зардлыг тайлант хугацааны эхнээс өссөн дүнгээр нөхнө.

28 дугаар мөрөнд хөдөлмөр хамгаалалд зарцуулсан зардлыг тайлант хугацааны эхнээс өссөн дүнгээр нөхнө.